"Xalq Sığorta" ASC ötən il aktivlərini artırıb. "APA-Economics" şirkətin yaydığı hesabata əsasən xəbər verir ki, "Xalq Sığorta"nın məcmu aktivləri 2015-ci illə müqayisədə 4,1% artaraq 54 mln. 139,202 min manat olub.
Hesabat dövründə şirkətin uzunmüddətli aktivləri 6 mln. 700,115 min manat, qısamüddətli aktivləri 47 mln. 439,087 min manat təşkil edib.
İl ərzində şirkətin cəmi öhdəlikləri 25,47% azalaraq 9 mln. 380,536 min manat olub. 2016-cı ildə şirkətin uzunmüddətli öhdəlikləri 9 mln. 364,930 min manat, qısamüddətli öhdəlikləri isə 15,606 min manat təşkil edib.
Ötən ilin sonuna şirkətin nizamnamə kapitalı 21,14% artaraq 39,388 mln. manat, cəmi kapitalı isə 13,53% artaraq 44 mln. 758 min 666 manat təşkil edib.
2016-cı ildə "Xalq Sığorta"nın cəmi gəlirləri 18 mln. 256 min 763,63 manat, cəmi xərcləri 11 mln. 584 min 233 manat olub.
Şirkət ötən ili 6 mln. 672 min 530,56 manat xalis mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
