Bakı. Real Cəfərli - APA. Son bir neçə gün ərzində İranın Zəncan vilayətində peyk antenalarının toplanılması ilə bağlı əməliyyat keçirilib.
APA-nın HRAZ-a istinadən məlumatına görə, polislər evlərə daxil olur, peyk antenalarını məcburi şəkildə toplayır, onları sındırır və əzirlər.
Zəncan vilayətinin Polis İdarəsinin əməliyyat-axtarış tədbirləri şöbəsinin rəisi Behruz Ağacanlu bildirib ki, son günlər məntəqədə evlərdən 2846 peyk antenası toplanılıb: “Həmin mənzillərin sahibləri cəzalandıracaqlar. Bundan sonra evlərinin üzərində peyk antenası quraşdıranlar və bu işlə məşğul olanlar da cəzalandıracaqlar”.