Maliyyə

Ana səhifə

Maliyyə

Bakı Fond Birjasının dövriyyəsi 18% azalıb

10 dekabr 2013 09:37 (UTC +04:00)

Bakı. Vahab Rzayev – APA-Economics. Bu ilin yanvar-noyabr ayları ərzində Bakı Fond Birjasında (BFB) bütün alətlər üzrə aparılmış əməliyyatların ümumi həcmi 7,041 mlrd. manat təşkil edib ki, bu da 2012-ci ilin eyni dövrü ilə müqayisədə 18,4% azdır.

BFB-dan «APA-Economics»ə verilən məlumata görə, hesabat dövründə korporativ qiymətli kağızlar (KQK) bazarının həcmi 41,0% artaraq 1 076,0 mln. manat təşkil edib. Korporativ istiqrazların ilkin bazarının həcmi hesabat dövründə 2,9 dəfə artaraq 109,2 mln. manat, təkrar bazarın həcmi isə 73,3% artaraq 564,9 mln. manat təşkil edib. Yanvar-noyabr aylarında səhmlərin ilkin bazarı 0,6% azalıb, təkrar bazarı isə 38,5% artıb.

Bu ilin 11 ayında BFB-nin dövriyyəsinin mənfi dinamikasına dövlət qiymətli kağızları (DQK) bazarı, əsasən də repo əməliyyatları və notlar bazarı səbəb olub. Belə ki, Azərbaycan Mərkəzi Bankının notlarının ilkin bazarının həcmi 2012-ci ilin analoji dövrünə nisbətən 2,9 dəfə, notların təkrar bazarı isə 3,1 dəfə azalıb. Eyni zamanda, hesabat dövründə repo əməliyyatları 18,8% azalaraq 5,522 mln. manat təşkil edib.

Yanvar-noyabr aylarında dövlət istiqrazlarının (Dİ) ilkin bazarı 10,0% azalaraq 88,7 mln. manat, təkrar bazarı isə 45,2% artaraq 30,5 mln. manat təşkil edib. Ümumiyyətlə, hesabat dövründə DQK bazarı hesabat dövründə 24,2% azalaraq 5,965 mlrd. manat olub.

BFB-da keçirilmiş hərracların müqayisəli cədvəli

Bazarın seqmentləri	Yanvar-noyabr 2013		Yanvar-noyabr 2012		Nisbət, %
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Nisbət, %
Dİ (AMN) (yerləşdirmə)	88 647 421.58	46	98 537 112.31	56	-10.00%
Dİ (AMN) (təkrar bazar)	30 535 228.09	12	21 029 020.89	19	+45.2%
Notlar (AMB) (yerləşdirmə)	279 845 254.59	100	811 733 044.92	209	-2.9 dəfə
Notlar (AMB) (təkrar bazar)	43 955 612.02	4	138 209 486.82	26	-3.1 dəfə
Repo əməliyyatları	5 522 177 626.66	503	6 798 310 399.70	938	-18.8%
DQK bazarı cəmi	5 965 161 142.94	665	7 867 819 064.64	1 248	-24.2%
Korporativ istiqrazlar (yerləşdirmə)	109 180 822.74	80	37 635 335.00	73	+2.9 dəfə
Korporativ istiqrazlar (təkrar bazar)	564 904 018.96	175	325 946 685.47	114	+73.3%
Səhmlər (yerləşdirmə)	385 204 033.69	319	387 479 137.24	227	-0.6%
Səhmlər (təkrar bazar)	16 747 181.43	3 162	12 092 680.40	3 084	+38.5%
KQK bazarı cəmi	1 076 036 056.82	3 736	763 153 838.11	3 498	+41.0%
Cəmi	7 041 197 199.76	4 401	8 630 972 902.75	4 746	+18.4%