Bakı-APA. Ukraynanın paytaxtı Kiyevdə yanvarın 19-da radikallarla baş vermiş toqquşmalarda DİN-in Daxili Qoşunlarının 57 hərbçisi xəsarət alıb. APA-nın “RİA Novosti”yə istinadən verdiyi xəbərə görə, bu barədə qurumun saytında dərc olunmuş məlumatda bildirilir.
“Kiyevin Qruşevski küçəsində baş vermiş toqquşmalar nəticəsində Ukrayna DİN-in Daxili Qoşunlarının 57 əməkdaşı xəsarət alıb. Hərbçilərə qapalı kəllə-beyin, beyin silkələnməsi, ətrafların zədələnməsi, yanıq xəsarətləri və s. orta dərəcəli bədən xəsarətləri yetirilib”, deyə məlumatda deyilir. Məlumata görə, xəsarət alan hərbçilər hospitala yerləşdirilib.