Şirvan. Əlibəy Zeynallı-APA. Mədəniyyət və turizm naziri Əbülfəs Qarayev Şirvan şəhərində vətəndaşları qəbul edib.
APA-nın Mil-Muğan bürosunun verdiyi məlumata görə, Şirvan şəhər Mərkəzi Mədəniyyət Evində keçirilən qəbulda Şirvan şəhərindən, Saatlı, Sabirabad, Hacıqabul, İmişli, Beyləqan, Xocavənd, Zərdab, Ağcabədi, Laçın və Füzuli rayonlarından olan vətəndaşlar iştirak edib.
Müraciətlərdə yerlərdə musiqi və incəsənət məktəblərinin, kitabxanaların fəaliyyətinin genişləndirilməsi, mədəniyyət müəssisələrinin, kinoteatrların maddi-texniki bazasının yaxşılaşdırılması, tarixi abidələrin təmiri və s. məsələlər yer alıb.
Nazir bəzi müraciətlərin yerindəcə həll olunması üçün konkret tapşırıqlar verib. Ə.Qarayev vətəndaşların xahiş, şikayət və təkliflərinin müxtəlif mövzu və sahələri əhatə etdiyini, onların hamısının diqqətlə nəzərdən keçiriləcəyini deyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
