Bakı-APA. Ukrayna ölkənin şərqindəki vəziyyətlə bağlı hərbi vəziyyət tətbiq etməyəcək.
APA-nın RİA Novosti agentliyinə istinadən verdiyi xəbərə görə, bunu Ukrayna Milli Təhlükəsizlik və Müdafiə Şurasının spikeri Andrey Lısenko bəyan edib.
Milli Təhlükəsizlik və Müdafiə Şurasının avqustun 28-də keçirdiyi təcili iclasında hərbi vəziyyət tətbiqi məqsədəuyğun hesab edilməyib.
Bu, həm də onunla bağlıdır ki, hərbi vəziyyətin tətbiqi Ali Radaya növbədənkənar seçkiləri mümkünsüz edir. Ukraynada növbədənkənar parlament seçkiləri oktyabrın 26-na təyin edilib.