Bakı. Mәlahәt Nәcәfova-APA. Uzanan münaqişәlәrin hәlli ATӘT-ә sәdrlik edәn Serbiyanın prioritetlәri sırasında ön yerdәdir. APA-nın mәlumatına görә, bu sözlәri ATӘT-in fәaliyyәtdә olan sәdri, Serbiyanın xarici işlәr naziri İvitsa Daçiç Amerika Birlәşmiş Ştatlarında Helsinki Komissiyasında dinlәmәlәr zamanı deyib.
Daçiç mövcud formatlar çәrçivәsindә sәylәrin davam etmәsinә vә tәrәflәr arasında etimadın bәrpası üçün addımların atılmasına dәstәyini vurğulayıb: "ABŞ-ın fəal iştirakı ATӘT missiyasının hәyata keçirilmәsindә vacib faktor olaraq qalır".
Daçiç bildirib ki, ATӘT vә Avropa tәhlükәsizliyi çox kritik keçid mәrhәlәsindәdir vә hazırda әsas prioritetlәrdәn biri daha böyük әrazini әhatә etmәmәsi üçün Ukrayna daxilindә vә kәnardakı böhranın qarşısını almaqdır. O, ATӘT-in Ukrayna böhranının hәlli üçün diplomatik yolların intensiv şәkildә axtarışını davam etdirәcәyini qeyd edib.
Xatırladaq ki, ABŞ-da sәfәrdә olan İvitsa Daçiç dövlәt katibi Con Kerri ilә dә görüşüb. Görüşdә ABŞ-Serbiya münasibәtlәri, Ukrayna böhranı, Serbiyanın ATӘT-ә sәdrliyi dövründә prioritetlәr müzakirә edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
