Moskva. Fərid Əkbərov – APA. Suriyadakı silahlı kürd qruplaşması, Türkiyənin terror təşkilatı saydığı PYD (Demokratik Birlik Partiyası) Rusiyada nümayəndəlik açmaq üçün rəsmi müraciət edib.
APA-nın Moskva müxbirinin verdiyi məlumata görə, bunu PYD-in həmsədri Asya Abdulla “Sputnik” agentliyinə müsahibəsində bildirib. Bir sıra ölkələrdə nümayəndəlik açmağı planlaşdırdıqlarını söyləyən A. Abdulla Rusiyada nümayəndəlik açılması üçün rəsmi müraciət etdiklərini deyib: “Hazırlıqlar gedir. Nümayəndəlik rəsmən açılanda ictimaiyyətə geniş məlumat veriləcək”.
Rusiya ilə yaxın münasibətlərdə olduqlarını vurğulayan PYD nümayəndəsi kürdlərlə anlaşma olmadan bölgədə hər hansı problemlin həllinin qeyri-mümkün olduğunu bəyan edib.