Bakı-APA. Rusiya hüquq-mühafizə orqanlarının əməkdaşları fevralın 16-dan 17-nə keçən gecə Dağıstanın Xasavyurt rayonunda üç nəfər silahlı olduğu ehtimal edilən şəxsi öldürüb. APA-nın məlumatına görə, bu barədə “RİA Novosti”yə region üzrə İstintaq Komitəsinin nümayəndəsi xəbər verib.
“Təxminən gecə 03.00 radələrində Xasavyurt rayonunun Pokrovskoye kəndi yaxınlığında əməliyyat-axtarış tədbirləri aparılarkən üç naməlum şəxs aşkarlanıb. Naməlum şəxslər hüquq-mühafizə orqanlarının əməkdaşlarına atəş açıblar, lakin cavab atəşi ilə onlar öldürülüblər. Polis əməkdaşları arasında ölən və yaralanan yoxdur”, deyə mənbə bildirib.
Hadisə yerində istintaq-əməliyyat qrupu araşdırma aparır, öldürülənlərin şəxsiyyəti müəyyənləşir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
