Şamaxıda baş verən yol qəzasında bir ailənin 4 üzvü ağır xəsarət alıb
07 sentyabr 2012 13:26 (UTC +04:00)
APA-nın məlumatına görə, hadisə yolun 106-cı kilometrliyində, Şamaxı rayonu ərazisində qeydə alınıb. Ağsu rayon sakini, 1980-ci il təvəllüdlü Verdiyev İlham Sabir oğlunun idarə etdiyi 10-BF-424 dövlət nömrə nişanlı “VAZ 2107” markalı minik maşını qarşı tərəfdən gələn Şamaxı sakini, 1990-cı il təvəllüdlü Kərimov Eldar Arif oğluna məxsus 56-BD-265 dövlət nömrə nişanlı “KaMAz” markalı yük maşını ilə toqquşub. Hadisə nəticəsində “VAZ 2107”nin sürücüsü İlham Verdiyev, həyat yoldaşı Səbinə Verdiyeva, azyaşlı övladları - 7 yaşlı Sevinc Verdiyeva və 3 yaşlı Sabir Verdiyev müxtəlif dərəcəli ağır bədən xəsarətləri ilə Şamaxı Mərkəzi rayon Xəstəxanasına yerləşdirilib.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.