Sosial

Ana səhifə

Sosial

Azərbaycan ərazisində qeyri-sabit hava şəraiti gələn həftənin sonlarına kimi davam edəcək

29 iyun 2012 09:41 (UTC +04:00)

Bakı. Sevil Zeynalqızı-APA. Azərbaycan ərazisində qeyri-sabit hava şəraiti gələn həftənin sonlarına kimi davam edəcək. Bu barədə APA-ya Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev məlumat verib. Onun sözlərinə görə, iyunun 30-da Bakı və Abşeron yarımadasının bəzi yerlərində gecə və səhər saatlarında qısamüddətli yağışlar yağacaq. Gün ərzində hava əsasən dəyişkən buludlu, yağmursuz keçəcək. Şimal-qərb küləyi əsəcək, gecə və səhər güclənəcək. Havanın temperaturu gündüz saatlarında 22-27, gecə 18-20 dərəcə olacaq.

İyulun 1-2-də isə hava əsasən dəyişkən buludu, yağmursuz keçəcək. Havanın temperaturu gecə 18-20, gündüz 22-27 dərəcə təşkil edəcək.

Abşeronun çimərliklərində dəniz suyunun temperaturunun Sumqayıt, Novxanı, Pirşağı, Nardaran, Bilgəhdə 20-21, Zaqulba, Buzovna, Mərdəkan, Şüvəlanda 21-22, Türkan, Hövsan, Sahil, Şıxda 23-24 dərəcə isti olacağı gözlənilir.

Azərbaycanın bölgələrində iyunun 30-da, iyulun 1 və 2-də şimşək çaxacağı, arabir yağış yağacağı gözlənilir. Gecə və axşam bəzi yerlərdə yağış intensiv olacaq. Aran rayonlarında temperatur 24-29, dağlıq rayonlarda 14-19 dərəcə olacaq. İyulun 1 və 2-də Aran rayonlarında havanın temperaturunun 25-30, dağlıq rayonlarda isə 15-20 dərəcə olacağı proqnozlaşdırılır.