İnfrastruktur

Ana səhifə

İnfrastruktur

Sankt-Peterburq-Bakı aviareysini yerinə yetirən təyyarə 15:20-də Azərbaycan paytaxtına çatacaq

20 aprel 2012 09:47 (UTC +04:00)

Bakı. Nicat Mustafayev – APA-Economics. Rusiyanın «Pulkovo Hava Yolları» aviaşirkətinin Sankt-Peterburq-Bakı aviareysini yerinə yetirən təyyarə saat 15:20-də Heydər Əliyev Beynəlxalq Aeroportunda enəcək. Bu barədə «APA-Economics»ə Heydər Əliyev Beynəlxalq Aeroportundan bildirilib.

«Bakı vaxtı ilə bu gün saat 12:00-da Sankt-Peterburq-Bakı aviareysi üzrə Azərbaycan paytaxtına enməli təyyarə avialaynerin dəyişdirilməsi səbəbindən ləngiyib. Lakin artıq təyyarə havaya qalxıb və Bakı vaxtı ilə saat 15:20-də Azərbaycan paytaxtının aeroportuna enəcək», - deyə aeroportdan bildirilib.

Öz növbəsində «Pulkovo Hava Yolları»nın Azərbaycandakı nümayəndəliyindən «APA-Economics»ə bildirilib ki, bu marşrutla təyyarə qrafik üzrə havaya qalxmışdır, lakin daha sonra sərnişinlərin birinin özünü pis hiss etməsi səbəbindən yenidən Sankt-Peterburq aeroportuna qayıdıb və aviareysin ləngiməsi məhz bununla bağlı olub.

Qeyd edək ki, aviareys «Airbus-319» avialayneri ilə yerinə yetirilir.