İnfrastruktur

Ana səhifə

İnfrastruktur

Azərbaycanda informasiya və rabitə sektoru son bir ildə 18% artıb

23 iyul 2012 06:59 (UTC +04:00)

Bakı. Nicat Mustafayev - APA-Economics. Bu ilin ilk yarısında Azərbaycanın informasiya və rabitə sektorunda təsərrüfat subyektlərinə və əhaliyə 643,5 mln. manatlıq və ya əvvəlki ilin müvafiq dövrünə nisbətən müqayisəli qiymətlərlə 17,9% çox xidmət göstərilib.

Dövlət Statistika Komitəsindən «APA-Economics»ə verilən məlumata görə, hesabat dövründə əhaliyə göstərilmiş informasiya və rabitə xidmətlərinin payı 72,3% təşkil edib.

«Xidmətlərdən əldə olunmuş gəlirlərin 61,5%-i mobil telefon rabitəsindən yaranıb və 2011-ci ilin eyni dövrü ilə müqayisədə bu xidmətlərin həcmi 15,9% artaraq 395,8 mln. manat təşkil edib», - deyə Komitədən bildirilib.