MDB

Ana səhifə

MDB

MDB ölkələri Dəmiryol Nəqliyyatı Şurasının 56-cı iclası keçirilib

17 may 2012 16:14 (UTC +04:00)

Moskva. Fərid Əkbərov – APA. Rusiyanın paytaxtında MDB ölkələri dəmiryol nəqliyyatı Şurasının 56-cı iclası keçirilib. APA-nın Moskva müxbirinin verdiyi məlumata görə, “Rusiya dəmir yolları” ASC-nin prezidenti Vladimir Yakuninin sədrliyi ilə keçirilən iclasda MDB ölkələri dəmiryol idarələri rəhbərləri ilə birlikdə Şuranın digər üzvləri - Latviya, Litva, Estoniya Bolqarıstan, Gürcüstan və Finlandiyadan da nümayəndlər iştirak ediblər.
Azərbaycanı tədbirdə “Azərbaycan dəmir yolları” QSC-nin sədri Arif Əsgərovun başçılıq eydiyi nümayəndə heyəti təmsil edib.
Vladimir Yakunin çıxışında Şuranın yaranmasının 20 illiyi münasibətilə bütün nümayəndə heyətlərini təbrik edərək, onlara qarşılıqlı faydalı əməkdaşlıq müstəvisində həyata keçirilən birgə fəaliyyətə görə minnətdarlığını bildirib. O, bu illər ərzində postsovet məkanında dəmiryol sahəsindəki uğurları nəzərə almaqla Şuranın özünü doğrultduğuna əmin olduğunu söyləyib.
Vladimir Yakunin MDB ölkələri dəmiryol nəqliyyatı Şurasının növbəti, 57-ci iclasının hazırda MDB-yə sədrlik edən Tükmənistanın paytaxtı Aşqabadda keçiriləcəyini bildirib.
Tədbir çərçivəsində MDB məkanında dəmir yolları idarələri arasında əməkdaşlığın inkişafında xüsusi xidmətlərinə görə bir sıra şəxslər mükafatlandırılıb.
Daha sonra ölkələrin nümayəndə heyətlərinin iştirakı ilə MDB məkanında dəmir yol nəqliyyatının hazırkı vəziyyəti, inkişaf perspektivləri və islahatların zəruriliyi məsələləri müzakirə olunub.