Leysan yağışları və sel Daşkəsən rayonuna ciddi ziyan vurub - YENİLƏNİB
29 iyun 2012 10:11 (UTC +04:00)
Daşkəsən. Ayxan Hüseynov-APA. Dünən Azərbaycanın qərb bölgəsinə güclü yağıntı düşüb. Daşkəsən rayonunda leysan xarakterli yağışlar günorta saatlarından başlayaraq gecəyə kimi davam edib. Daşkəsən rayonu fövqəladə hallar komissiyasının sədri Cavanşir Qocayevin APA-nın Qərb bürosuna verdiyi məlumata görə, leysan yağışları və yağış nəticəsində yaranmış sel suları rayonu ərazisində kənd yollarına ciddi ziyan vurub. Təbii fəlakət nəticəsində rayonun Qabaqtəpə, Xoşbulaq və Mollahəsənli kəndləri ərazisində su keçidləri və körpülərə ziyan dəyib, Xoşbulaq kəndində evlərin zirzəmilərinə su dolub. Fövqəladə hallar komissiyası hazırda leysan yağışları və sel nəticəsində rayona dəymiş zərəri hesablayır, təbii fəlakətin nəticələri aradan qaldırılır.
Təbii fəlakət itkisiz də ötüşməyib. Dünən axşam 21.00 radələrində rayonun Zağlı kəndi ərazisindəki yaylaqda qoyun otaran 21 yaşlı İmranov Şəhrəman İmran oğlu ildırım vurması nəticəsində dünyasını dəyişib. Laçın rayonunda məcburi köçkün olan Şəhrəman İmranov Ağcabədi rayonu ərazisindəki Taxtakörpü qəsəbəsində yaşayıb, Daşkəsən rayonuna mövsümi ilə əlaqədar gəlib.
Təbii fəlakət itkisiz də ötüşməyib. Dünən axşam 21.00 radələrində rayonun Zağlı kəndi ərazisindəki yaylaqda qoyun otaran 21 yaşlı İmranov Şəhrəman İmran oğlu ildırım vurması nəticəsində dünyasını dəyişib. Laçın rayonunda məcburi köçkün olan Şəhrəman İmranov Ağcabədi rayonu ərazisindəki Taxtakörpü qəsəbəsində yaşayıb, Daşkəsən rayonuna mövsümi ilə əlaqədar gəlib.
Hadisə
Bakıda çoxmərtəbəli binada yanğın olub, sakinlər təxliyə edilib - FOTO
01:56
24 may 2024
Göyçay sakinini öldürməkdə şübhəli bilinən şəxs saxlanılıb
22:28
23 may 2024
Bakıda liftdə köməksiz vəziyyətdə qalan şəxs xilas edilib - VİDEO
20:26
23 may 2024
Cəlilabadda 11 yaşlı qızı elektrik cərəyanı vuraraq öldürüb
19:34
23 may 2024