Əcəmi Naxçıvani küçəsinin və Atatürk prospektinin bir hissəsi müvəqqəti bağlanıb

Əcəmi Naxçıvani küçəsinin və Atatürk prospektinin bir hissəsi müvəqqəti bağlanıb
# 18 sentyabr 2015 13:53 (UTC +04:00)

Bakı. Vüsal Nəbiyev - APA-Economics. Binəqədi rayonu Əcəmi Naxçıvani küçəsinin bir hissəsi təmir-tikinti işləri ilə əlaqədar nəqliyyat vasitələrinin hərəkəti üçün müvəqqəti bağlanıb.

Nəqliyyat Nazirliyi “Azəryolservis” ASC-dən “APA-Economics”ə verilən məlumata görə, bu, Əcəmi Naxçıvani küçəsinin Atatürk prospekti ilə kəsişmələri arasında yerləşən hissəsindən, həmçinin “Gənclik” metrostansiyası istiqamətinə doğru olan Atatürk prospektinin Əcəmi Naxçıvani və Səttar Bəhlulzadə küçələrinin kəsişmələri arasında yerləşən ərazisidir.

Qeyd edək ki, ümumilikdə təmir-tikinti işləri bir neçə küçənin kəsişmələrində aparılır. Söhbət Atatürk prospektinin hər iki istiqamət üzrə Səttar Bəhlulzadə küçəsinin kəsişməsindən Əcəmi Naxçıvani küçəsinin kəsişməsinədək olan hissələrindən, uzun müddətdir ki, təmir olunmadığı üçün yolun hərəkət hissələri sıradan çıxmış Şövkət Məmmədova küçəsinin Əcəmi Naxçıvani küçəsinin kəsişməsindən Cəfər Xəndan küçəsinin kəsişməsinədək olan hissəsi və Əcəmi Naxçıvani küçəsinin Ağa Sadıq Gəraybəyli küçəsinin kəsişməsindən Atatürk prospektinin kəsişməsinədək olan hissəsindən gedir. Təmir işləri aparılan zaman sözügedən ərazilər hissə-hissə nəqliyyat vasitələrinin hərəkəti üçün müvəqqəti olaraq bağlanacaq.

“Azəryolservis” ASC tərəfindən sözügedən küçələrin ümumilikdə 970 metrlik hissələrində təmir-tikinti işləri aparılır. Təmir-tikinti işləri çərçivəsində köhnə asfalt-beton örtüyünün üst qatı qaşınaraq ərazidən daşınıb. Ehtiyac olan yerlərdə yol yatağı bərkidilib və əraziyə yeni asfalt-beton örtüyünün döşənməsi işləri həyata keçirilir. Ümumilikdə burda 12 500 kvadrat metr ərazidə asfaltlanma işləri aparılacaq. Ərazidə təmir işləri çərçivəsində artıq 1 500 paqon metr köhnə səki daşı yenisi ilə əvəzlənib, yol kənarları və piyada səkiləri asfalt-beton örtüyü döşənərək, abadlaşdırılıb.

Şəxsən Nəqliyyat naziri və “Azəryolservis” ASC rəhbərliyinin nəzarəti altında aparılan təmir-tikinti işləri zamanı zəruri olan yerlərsə səth sularının normal kənarlaşdırılması üçün nəzərdə tutulan yağış barmaqlıqları də dəyişdirilib, kommunikasiya xətlərinin dəmir-beton plitələri qaldırılaraq, baxış qapaqları yenilənib. Sadalanan bütün işlər tərtib olunmuş qrafikə uyğun yüksək keyfiyyətlə aparılır və tez bir zamanda yekunlaşdırılması planlaşdırılır.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR