Şamaxı. Elvin Yaqubov-APA. Bakı-Şamaxı-Yevlax yolunda 4 nəfərin xəsarət alması ilə nəticələnən zəncirvari avtomobil qəzası baş verib. APA-nın məlumatına görə, hadisə oktyabrın 14-də gecə saat 22:00 radələrində yolun 121-ci kilometrliyində qeydə alınıb.
Şamaxıdan Ağsu istiqamətində hərəkətdə olan 10-KT- 536 dövlət nömrə nişanlı NİVA markalı minik maşını əks istiqamətdə hərəkətdə olan “Mitsubishi Pajero” markalı avtomaşınla toqquşub. Toqquşma nəticəsində “Mitsubishi Pajero” markalı maşın qarşı tərəfdən gələn 90-MX-015 dövlət qeydiyyat nişanlı “VAZ 21015” markalı maşına çırpılıb. Hadisə nəticəsində avtomaşınlarda olan 1959-cu il təvəllüdlü Qəhrəmanov Qəhraman Səlim oğlu, 1981-ci il təvəllüdlü Vahabov Taleh Ağaəhməd oğlu, 1941-ci il təvəllüdlü Süleymanov Vaqif Soltanpaşa oğlu, 1946-cı il təvəllüdlü Şükürov Əlislam Allahverən oğlu müxtəlif dərəcəli bədən xəsarətləri ilə Şamaxı rayon Mərkəzi Xəstəxanasına yerləşdirilib.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
