Bakı. Yeganə Laçınzadə - APA-Economics. 2015-ci il aprelin 1-nə “Bank Standard”ın aktivlərinin həcmi 1 mlrd. 220,242 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 18,91% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 20,40% artaraq 906,361 mln. manat olub.
İstehlak kreditlərinin həcmi 152,364 mln. manat təşkil edib ki, bu da illik müqayisədə 3,71% azalma deməkdir.
“Bank Standard”da bir il ərzində ipoteka kreditlərinin həcmi 6,07% artaraq 49,750 mln. manat olub. Kreditlərin 40,583 mln. manatı (81,57%) ipoteka fondunun xətti ilə verilən kreditlərin payına düşür.
Hesabat dövründə bankın depozit portfeli 19,06% artaraq 804,465 mln. manata yüksəlib. Əhalinin əmanətlərinin həcmi isə 632,240 mln. manata bərabər olub ki, bu da illik müqayisədə 10% artım deməkdir.
Bir il ərzində bankın nizamnamə kapitalı dəyişməyərək 75 mln. manat təşkil edib.
Bankın gəlirləri 27,1% artaraq 34,433 mln. manat, xərcləri isə 20,91% artaraq 33,925 mln. manata çatıb.
Hazırda bankın ölkə üzrə 13 filialı, 148 bankomatı, 1 320 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
