Bakı – APA. ABŞ-ın Alabama ştatında “Twitter”də prezident Barak Obamanı öldürməyə çağırış edən yerli sakin mühakimə olunub. APA-nın “Associated Press”ə istinadən verdiyi xəbərə görə, 26 yaşlı Cervis Britton (Jarvis Britton) məhkəmədə günahını boynuna alıb. Məhkəmənin qərarına əsasən C. Britton həbsə məhkum edilməsə də, 3 il ərzində polis nəzarətində yaşayacaq.
C. Britton “Gəlin prezidenti öldürək” çağırışı ilə 2012-ci ilin sentyabrında çıxış edib.