Bakı. Mübariz Aslanov – APA. Azərbaycan polisinin 95 illiyi münasibəti ilə Daxili İşlər Nazirliyinin (DİN) şəxsi heyəti Fəxri xiyabanda Heydər Əliyevin, akademik Zərifə Əliyevanın məzarlarını, Şəhidlər xiyabanını ziyarət edib.
APA-nın xəbərinə görə, ziyarətdə daxili işlər naziri, general polkovnik Ramil Usubov və nazirliyin rəhbər şəxsləri də iştirak edib.
Qeyd edək ki, 2 iyul Azərbaycanda polis günü kimi qeyd olunur. 1918-ci il may ayının 28-də müstəqilliyini bəyan etmiş Azərbaycan Xalq Cümhuriyyətinin milli hökumətinin tərkibində Daxili İşlər Nazirliyi yaradılıb. Prezident Heydər Əliyevin 1998-ci ilin martında imzaladığı fərmana əsasən, hər il iyulun 2-si daxili işlər orqanları əməkdaşlarının peşə bayramı kimi qeyd olunur.