Bakı. Aqşin Rafiqoğlu – APA-Economics. Bu ilin yanvar-oktyabr ayları ərzində Azərbaycan Dövlət Neft Şirkətinin (ARDNŞ) «Azəriqaz» İstehsalat Birliyi tərəfindən əhali sektoruna 1,591 mlrd. kubmetr həcmində təbii qaz satılıb və qarşılığında 104,42% vəsait toplanılıb. ARDNŞ-dən «APA-Economics»ə verilən məlumata görə, bu ilin oktyabr ayı ərzində 127,2 mln. kubmetr təbii qaz satılıb və qarşılığında 109,7% vəsait yığılıb.
Vəsaitin toplanmasındakı yüksək faiz göstəricisi onunla əlaqədardır ki, 2012-2013-cü illərin payız-qış mövsümündə tələbatın artması ilə bağlı əhaliyə satılan qazın həcmi çoxalıb və bu səbəbdən də istehlak edilmiş qazın dəyəri abonentlər tərəfindən tam ödənilməyib. Həmin dövr ərzində yaranmış debitor borclar 2013-cü ilin yaz-yay mövsümündən başlayaraq abonentlər tərəfindən ödənilir. Nəticədə, bu ilin oktyabr ayı ərzində debitor borc 2,1% azalıb.
«Azəriqaz»ıe bu ilin yanvarın 1-nə mövcud olan debitor borcu isə 10 ay ərzində 14,2% azalıb.
Qeyd edək ki, əhali sektoru üzrə noyabrın 1-nə 108 339 məcburi köçkün ailəsi fasiləsiz təbii qazla təmin olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
