Bakı. Real Cəfərli - APA. İranın Kirmanşah vilayətində təhlükəsizlik qüvvələri ilə PKK-nın İrandakı qolu olan PEJAK arasında toqquşma baş verib.
APA-nın “Fars” xəbər agentliyinə istinadən verdiyi məlumata görə, Kirmanşah vilayətinin təhlükəsizlik və nizam-intizam idarəsinin rəhbəri Şəhriyar Heydəri bildirib ki, hadisə Pavə sərhəd-keçid məntəqəsində baş verib: “Quldurlar patrul keşiyi çəkən təhlükəsizlik qüvvələrinə hücum edib. Nəticədə iki əməkdaşımız həlak olub”.
Ş. Heydəri hücumun PEJAK tərəfindən həyata keçirildiyini bildirsə də, ancaq bu məlumatın hələlik dəqiq olmadığını vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
