“APA-Economics”in “RİA Novosti”yə istinadən xəbərinə görə, “Forbes” jurnalı tərəfindən tətbiq olunan reytinqdə yer alan nüfuzlu biznesmenlərin əksəriyyəti texnoloji sektoru təmsil edir, ABŞ və Asiyada yaşayır.
Bill Geyts iki illik fasilədən sonra dünyanın ən varlı adamı statusunu meksikalı maqnat Karlos Slimdən geri alıb. Onun varidatı 72 mlrd. dollar, “Google” internet nəhənginin baniləri Larri Peyc və Sergey Brinin sərvəti isə 24,9 və 24,4 mlrd. dollar həcmində qiymətləndirilib. İlk üçlüyü “Facebook”un rəhbəri Mark Tsukerberq tamamlayır - 19 mlrd. dollar.
12 ildir Nyu-York meri vəzifəsini tutan Maykl Blumberqin varidatı 31 mlrd. dollar, “Oracle”nin rəhbəri Larri Ellisonun sərvəti 41 mlrd. dollar təşkil edir. Sonrakı yerlərdə nigeriyalı milyarder Aliko Danqot (16,1 mlrd. dollar), “Softbank” internet şirkətinin rəhbəri Masayoşi San (9,1 mlrd. dollar), “Tesla Motors”un rəhbəri Elon Mask (6,7 mlrd. dollar), Tayvanın “Hon Hai Precision” şirkətinin başçısı Terri Qu (4,8 mlrd. dollar), britaniyalı milyarder Məhəmməd İbrahim (1,1 mlrd. dollar) gəlir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
