Bakı. Aynur Əliyeva – APA-Economics. Azərbaycan Beynəlxalq Rabitə Konfransı (BRK-15) toplantısının gündəliyinin 1.1 və 1.2 bəndləri üzrə Birləşmiş Məqsədli Qrup 4-5-6-7 (JTG 4-5-6-7) toplantısında təmsil olunacaq.
«APA-Economics»in Rabitə və İnformasiya Texnologiyaları Nazirliyinin mətbuat xidmətinə istinadən verdiyi məlumata görə, beynəlxalq tədbir fevralın 20-28-də Cenevrə şəhərində (İsveçrə) baş tutacaq. Konfransda Azərbaycanı Nazirliyin Dövlət Radiotezlik İdarəsinin baş mühəndisi İlham Əfəndiyev təmsil edəcək.
Toplantıda radiorabitə sahəsinin tənzimlənməsi məsələlərinə baxılacağı gözlənilir.