Bakı. Könül Kamilqızı - APA. Tələbə Qəbulu üzrə Dövlət Komissiyası martın 30-da rezidentura səviyyəsinə qəbul imtahanının I mərhələsini keçirib.
TQDK-nın mətbuat xidmətindən APA-ya verilən xəbərə görə, imtahan Bakı şəhərində 3, Naxçıvan şəhərində 1 binada təşkil olunub. İmtahan bütün binalarda eyni vaxtda - saat 11:00-da başlanıb və 2 saat 30 dəqiqə ərzində aparılıb.
Bütün binalarda imtahan təlimata uyğun şəkildə keçirilib, namizədlərin öz bilik səviyyələrini nümayiş etdirmələri üçün zəruri şərait yaradılıb.
İmtahanın nəticələrinin martın 31-də elan olunması nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
