Bakı. Könül Kamilqızı – APA. Bu gün Azərbaycan Dövlət Pedoqoji Universitetində və Azərbaycan Dövlət Neft Akademiyasında SABAH qruplarının təqdimatı keçirilib.
Təhsil Nazirliyindən APA-ya verilən xəbərə görə, nazirlik nümayəndələri hər iki ali təhsil müəssisəsində tələbələrə, həmçinin professor-müəllim heyətinə SABAH qruplarının yaradılmasının əhəmiyyəti barədə danışıblar. Təqdimatda bildirilib ki, SABAH qrupları öz ixtisası üzrə peşəkar mütəxəssis kimi yetişmək istəyən tələbələrə geniş imkanlar açır. SABAH qruplarına daxil olan tələbələr həm yüksək səviyyəli təhsil almaq şansı qazanacaqlar, həm də təhsil müddətində əlavə təqaüd, yataqxanada pulsuz yerləşdirilmə, qidalanma kimi bir sıra maddi imtiyazlara malik olacaqlar. Dövlət sifarişi ilə və ya ödənişli təhsil almasından asılı olmayaraq, SABAH qruplarında oxuyan bütün tələbələr
Qeyd edək ki, Azərbaycan Dövlət Pedaqoji Universitetində Riyaziyyat və informatika müəllimliyi, Tarix və coğrafiya müəllimliyi, İbtidai sinif müəllimliyi olmaqla 3 ixtisas üzrə SABAH qrupları yaradılacaq. Azərbaycan Dövlət Neft Akademiyasında isə SABAH qrupları neft-qaz mühəndisliyi, neft-qaz qurğuları mühəndisliyi, elektroenergetika mühəndisliyi və kimya mühəndisliyi ixtisaslarını əhatə edəcək. SABAH qrupları ali təhsil müəssisəsində yerləşən “SABAH Mərkəzi” vasitəsilə idarə olunacaq. Mərkəzlərin işinə isə birbaşa Təhsil Nazirliyi nəzarət edəcək.