Cəlilabad. Ağəddin Babayev - APA. Cəlilabad rayonunda ağır yol-nəqliyyat hadisəsi baş verib.
APA-nın cənub bürosunun məlumatına görə, hadisə iyunun 16-da günorta saatlarında Ələt-Astara magistrlının Cəlilabad şəhəri ərazisindən keçən hissəsində qeydə alınıb.
Cəlilabad sakini Ramil Mətləb oğlu Verdiyevin idarə etdiyi “VAZ-2109” markalı minik avtomobili Bakı istiqamətində hərəkətdə olarkən qəfildən idarəetməni itirərək yolun kənarındakı işıq dirəyinə çırpılıb. Nəticədə baş-beyin nahiyəsindən xəsarət alan sürücü Cəlilabad Mərkəzi Rayon Xəstəxanasına yerləşdirilib.
Qəza nəticəsində həmçinin minik avtomobili ciddi zədələnib, işıq dirəyi isə aşıb.
Faktla bağlı araşdırma aparılır.