APA-nın “RİA Novosti”yə istinadən verdiyi məlumata görə, V. Muallem bunu İsveçrənin Montrö şəhərində Suriya probleminə dair keçirilən beynəlxalq konfransda çıxışında deyib. O bildirib ki, buna ancaq xalq qərar verə bilər. Nazir bəyan edib ki, Suriya xalqı öz taleyini müəyyənləşdirmək və öz hökumətini seçmək hüququna malikdir: “Burada bizim vəzifəmiz xalqın iradəsini hər kəsə çatdırmaqdır, onun taleyini həll etmək deyil”.