Bakı. Rəşad Süleymanov - APA. Vaşinqtonda Türkiyə səfirliyi qarşısında ermənilərin keçirmək istədikləri aksiya baş tutmayıb. APA-nın Türkiyə mediasına istinadən verdiyi məlumata görə, çox sayda türk və azərbaycanlının gecədən səfirlik binası qarşısına toplaşması ermənilərin aksiyasının qarşısını alıb.
Aksiya iştirakçıları səfirlik binasının ətrafına Türkiyə, Azərbaycan və şərqi Türküstan bayraqları asıb, «Uşaqlarınızı yalanlarla böyütməyi buraxın!», «Erməni yalanlarına son verin!» plakatları ilə səfirliyin binası qarşısına toplaşıblar.
Ermənilər isə əllərində Türkiyəni ittiham edən plakatlarla səfirliyin qarşı tərəfində etiraza cəhd göstəriblər.
Ermənilərin Türkiyənin konsulluqları önündə aksiya keçirməmələri üçün Axısxa türkləri Türkiyənin Çikaqo şəhərindəki baş konsulluğu önünə toplaşıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
