Bakı. Aynur Əliyeva – APA-Economics. Azərbaycanın ilk telekommunikasiya peyki olan “Azerspace-1” üzərindən yayımlanan televiziya kanallarının sayı artıb.
Rabitə və Yüksək Texnologiyalar Nazirliyinin mətbuat xidmətindən “APA-Economics”ə verilən məlumata görə, hazırda peyk vasitəsi ilə 81 televiziya kanalı və eləcə də 16 radio izləyicilərə təqdim olunur.
Qeyd edək ki, “Azerspace-1” telekommunikasiya peykinin inkişaf etmiş dizaynı və qoşulma imkanları vasitəsilə, dünyada milyonlarla insan informasiya və rabitə xidmətlərindən geniş istifadə edə bilər. Peyk Mərkəzi Asiya, Avropa və Afrikanın 50-dən artıq ölkəsini birləşdirən kosmik məkanda əsas rol oynayır.