Bakı. Aqşin Rafiqoğlu – APA-Economics. Almaniyadan Azərbaycana həyata keçirilən ixrac əməliyyatlarının 1/3 hissəsi Bavariya vilayətinin payına düşür. Bunu bu gün Bakıda keçirilən Azərbaycan-Bavariya biznes forumunda Bavariya İqtisadiyyat, Mətbuat, Enerji və Texnologiya Nazirliyinin xarici iqtisadiyyat və marketinq şöbəsinin müdiri xanım Ulrike Volf bildirib.
Onun sözlərinə görə, eyni zamanda Azərbaycanda fəaliyyət göstərən şirkətlərin 1/3-i Bavariya mənşəlidir: «Eyni zamanda, Almaniyadan həyata keçirilən ixracın həcminə görə Azərbaycan MDB ölkələri arasında 3-cü yeri tutur».