Bakı. Real Cəfərli - APA. ABŞ-la İran arasında sanksiyaların aradan qaldırılması mübahisəli məsələ olaraq qalır.
APA-nın “Radiofərda”ya istinadən məlumatına görə, bunu ABŞ Dövlət Departamentinin sözçüsü Cen Psaki bildirib.
Onun sözlərinə görə, ABŞ hökumətinin bu mövzuda hər bir qərarı İranın atacağı addımlarla mütənasib olacaq.
C.Psaki deyib ki, rəsmi Vaşinqton və Tehran sanksiyaların ləğv olunması barədə razılığa gəlməyiblər: “Əgər sanksiyaların ləğv edilməsi ilə bağlı qərar olarsa, onda İran nüvə proqramını məhdudlaşdırmalıdır. Hazırda Barak Obama administrasiyası ABŞ Konqresinin İrana qarşı əlavə sanksiyalar tətbiq etməklə bağlı qərarının qarşısını almaq istəyir”.
ABŞ rəsmisi həmçinin İranla “altılıq” ölkələri arasında oktyabrın 15-16-da Cenevrədə keçirilmiş müzakirələrin müsbət olduğunu vurğulayıb: “Biz indiyədək İranla bu səviyyədə texniki və ətraflı müzakirələr aparmamışdıq. İran ilk və son addımlarını konkret olaraq açıqlayıb”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
