Bakı. Şamil Əlibəyli – APA. Azərbaycanın Təbrizdəki Baş Konsulluğunda seçki prosesi davam edir.
Baş Konsulluqdan APA-ya verilən məlumata görə, diplomatik nümayəndəlikdə yaradılmış seçki məntəqəsində səsverməyə hazırlıq işləri yerli vaxtla saat 07.50-də başa çatdırılıb və saat 08.00-da seçki məntəqəsi səsverməyə açıq elan edilib.
Azərbaycanın Baş Konsulluğunun konsulluq dairəsində daimi və ya müvəqqəti yaşayan və seçki məntəqəsində siyahıya alınmış seçicilərin sayı 88 nəfər təşkil edir: “Səsvermədə seçicilərin fəallığı nəzər çarpır və artıq seçicilərin 60 faizindən çoxu məntəqəyə gələrək öz səsini verib”.
Hazırda səsvermə prosesi normal şəkildə davam edir. Səsvermənin yerli vaxtla saat 19.00-da başa çatdırılması nəzərdə tutulub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
