Bakı-APA. Yəməndə toy mərasimi zamanı pilotsuz təyyarənin endirdiyi zərbə nəticəsində azı 10 nəfər ölüb. APA-nın “İTAR-TASS” agentliyinə istinadən verdiyi xəbərə görə, xeyli insan yaralanıb.
Hadisə paytaxt Sanadan 150 km cənub-şərqdə yerləşən Əl-Beydə vilayətinin Rədə şəhərində baş verib. Ehtimala görə, toy kortejinə zərbəni ABŞ-ın pilotsuz təyyarəsi endirib.
Xatırladaq ki, ABŞ Yəmənin güc strukturlarına ekstremistlərə qarşı mübarizədə fəal yardım göstərir.
Kömək maddi-texniki dəstək və yerli təhlükəsizlik qüvvələrinə təlimi nəzərdə tutsa da, amerikalılar Yəmən ərazisində hərbi əməliyyatlar həyata keçirir, o cümlədən, pilotsuz təyyarələrdən istifadə edirlər.
Son illər, pilotsuz təyyarələrin zərbələri nəticəsində, dinc sakinlər də daxil olmaqla, yüzlərlə yəmənli həlak olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
