Bakı – APA. Azərbaycan prezidenti İlham Əliyev sentyabrın 18-də Quba Rayon İcra Hakimiyyətinin yeni inzibati binasının açılışında iştirak edib.
APA-nın məlumatına görə, dövlət başçısı və xanımı Mehriban Əliyevaya məlumat verilib ki, üçmərtəbəli bina bütün lazımi avadanlıq və sistemlərlə təchiz edilib.
Prezident və xanımı inzibati binanın operativ idarəetmə mərkəzi ilə tanış olublar. Mərkəzdə rayonun icra nümayəndəlikləri ilə birbaşa canlı bağlantı yaratmaq mümkündür.
Memarlıq və tikinti şöbəsində yaradılan şəraitlə tanışlıq zamanı prezidentə Quba şəhərinin baş planı, rayonun elektron xəritəsi və görülən işlərlə bağlı geniş məlumat verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
