“Xəzər Lənkəran” daha bir futbolçunun transferini reallaşdırmağa yaxındı. Apasport.az saytının xəbərinə görə, “ağ-yaşıllar” Rəşad Sadiqovun ardından Aleksandr Şemonayevi də heyətinə qatmaq üzrədi.
Belə ki, cənub təmsilçisinin baş məşqçisi Oğuz Çətin AZAL-la müqaviləsi başa çatan müdafiəçini sərəncamında görməkdə israrlıdı. 29 yaşlı futbolçu ilə 1 illik müqavilə imzalanacağı gözlənilir.
Qeyd edək ki, Şemonayev karyerasının çox hissəsini “Simurq”da keçirib. Zaqatala futbol məktəbinin yetirməsi olan müdafiəçi yalnız ötən mövsümü AZAL-da keçirib.