APA-nın “Hürriyet”ə istinadən verdiyi məlumata görə, aralarında daxili işlər naziri Müəmmər Gülərin oğlu Barış Gülər, İstanbulun Fatih rayonunun hakim partiya AKP-dən olan bələdiyyə başqanı Mustafa Dəmir, iş adamları Rza Zərrab, Əli Ağaoğlu və “Halkbank”ın baş müdiri Süleyman Aslanın da olduğu 50 nəfər bu gün səhər prokurorluğa göndərilib. Prokuror bu şəxslərin ifadələrini aldıqdan sonra onları həbs qətimkan tədbiri seçilməsi tələbi ilə məhkəməyə göndərmək və ya sərbəst buraxmaq hüququna malikdir.
Qeyd edək ki, polis tərəfindən dekabrın 19-da prokurorluğa göndərilən 10 nəfərdən 2-si sərbəst buraxılıb, 8-i isə həbs qətimkan tədbiri seçilməsi tələbi ilə məhkəməyə göndərilib. Məhkəmə “rüşvət üçün anlaşmaq, rüşvət almaq, rüşvət vermək” ittihamı əsasında bu şəxslər haqqında həbs qərarı verib.
Xatırladaq ki, dekabrın 17-də İstanbul polisinin keçirdiyi geniş miqyaslı əməliyyat zamanı 89 nəfər saxlanılıb. Onlardan 13-ü qısa müddət sonra polis tərəfindən sərbəst buraxılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
