Bakı. Mübariz Aslanov – APA. Dünya Azərbaycanlılarını Əlaqələndirmə Şurasının üzvü, Аmеrikа Аzərbаycаnlılаrı Şəbəkəsinin (USАN) icraçı direktoru Adil Bağırov ABŞ-ın Ohayo ştatının Deyton Dövlət Məktəbləri Təhsil Şurasının üzvlüyünə keçirilmiş seçkilərdə öz namizədliyini irəli sürüb. Diasporla İş üzrə Dövlət Komitəsindən APA-ya verilən məlumata görə, 5 noyabr tarixində yekunlaşan səsvermədə Adil Bağırov və digər 3 namizəd seçkilərdə qalib gələrək növbəti 4 illiyə Təhsil Şurasına üzv seçiliblər.
Deyton Dövlət Məktəbləri Təhsil Şurası 1831-ci ildən fəaliyyət göstərir. Şuraya ilk seçkilər 1855-ci ildə keçirilib. Şura 7 üzvdən ibarətdir və hər 4 ildən bir yeni üzvlər seçilir. Şuranın yaradılmasında məqsəd ictimaiyyət nümayəndələrinin və vətəndaşların təhsil prosesində fəal iştirakının təmin olunmasıdır. Hazırda 15313 tələbə burada təhsil alır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
