Bakı - APA. Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev ATƏT-in Minsk Qrupunun amerikalı həmsədri Ceyms Uorlikin Dağlıq Qarabağ probleminin həlli ilə bağlı təkliflərinə münasibət bildirib.
Partiyanın mətbuat xidmətindən APA-ya verilən məlumata görə, BAXCP sədri bildirib ki, C.Uorlikin Karnegi Fondunda verdiyi təkliflər problemin ədalətli və beynəlxalq hüquqa söykənən həllinə xidmət etmir: “Verilən təkliflərdə problemin Azərbaycanın ərazi bütövlüyü çərçivəsində həllinə dair müddəa nəzərdə tutulmayıb. Bu isə ABŞ-ın ermənipərəst və ikili standartlar siyasətindən xəbər verir. ABŞ-dakı erməni diasporunun hay-küyü isə riyakarlıqdan başqa bir şey deyil. Onlar hər zaman daha maksimalist mövqe sərgiləyir və bu yolla vasitəçilərə təzyiq edir, dolayısı ilə bizi sakitləşdirmək istəyirlər”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
