Bakı. Könül Kamilqızı – APA. Səhiyyə Nazirliyinin Respublika Gigiyena və Epidemiologiya Mərkəzi (RGEM) fevral ayından süd məhsullarının monitorinqinə başlayıb.
REGM-nin şöbə müdiri İmran Abdullayev APA-ya açıqlamasında bildirib ki, fevralın 25-dək davam edəcək monitorinqlər zamanı süd məhsullarının laborator tədqiqatı aparılacaq.
Onun sözlərinə görə, monitorinqlər zamanı 100-dək nümunə üzərində yoxlamanın aparılması planlaşdırılıb. Yoxlamalar respublikanın bütün ərazilərində, xüsusən Bakı şəhəri, ətraf ərazilərdə, Sumqayıt, Abşeronda həyata keçirilir.