Bakı – APA. Sumqayıtda ölümlə nəticələnən avtomobil qəzası baş verib.
APA-nın Fövqəladə Hallar Nazirliyinin (FHN) saytına istinadən verdiyi məlumata görə, Sumqayıt şəhərində “Mercedes” markalı minik avtomobili səkiyə çırpılıb.
FHN-in müvafiq xilasetmə qüvvələri qəza yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, sürücü, 1991-ci təvəllüdlü Elvin Faiq oğlu Qənbərov yerindəcə vəfat edib.
Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə deformasiyaya uğramış avtomobildən E. Qəmbərovun meyitini çıxararaq aidiyyəti üzrə təhvil veriblər.