Göyçay. Elvin Yaqubov-APA. Göyçay rayonunda 3 otaqlı ev yanıb. Göyçay Rayon Dövlət Yanğından Mühafizə Hissəsindən APA-ya verilən məlumata görə, hadisə noyabrın 8-də günorta saatlarında Göyçayın Hacalıkənd kəndində baş verib. Eldar Şıxalıyevə məxsus ümumi sahəsi 196 kvadratmetr olan birmərtəbəli 3 otaqlı mənzildə baş vermiş yanğının söndürülməsi üçün əraziyə 3 yanğınsöndürən maşın və canlı qüvvə cəlb edilib.
Hadisə zamanı evin 96 kvadratmetrlik hissəsi içindəki bir cox əşyaları ilə birgə yanıb, qalan 100 kvadratmetlik hissə və ona yaxın olan 84 kvadratmetrlik talvar yanğından mühafizə edilib, alovun qonşu evlərə keçməsinin qarşısı alınıb. Hadisə zamanı xəsarət alan olmayıb.
İlkin ehtimala görə, yanğına elektrik naqillərdə baş vermiş qısaqapanma səbəb olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
