Fövqəladə Hallar Nazirliyinin (FHN) Masallı Rayon Yanğından Mühafizə Hissəsindən APA-nın cənub bürosuna verilən məlumata görə, hadisə iyunun 27-də saat 19.30 radələrində rayonun Çayqırağı kənd sakini, 1938-ci il təvəllüdlü Mikayıl Əlinağı oğlu Hüseynova məxsus fərdi evdə qeydə alınıb.
Hadisə yerinə Masallı Rayon Yanğından Mühafizə Hissəsinin canlı qüvvəsi ilə birlikdə 4 yanğınsöndürən maşını cəlb olunub. Onların operativ müdaxiləsi nəticəsində yanğının yaxınlıqdakı yaşayış evinə keçməsinin qarşısı alınsa da, ümumi sahəsi 180 kv.m olan birmərtəbəli 4 otaqlı kürsülü ev içindəki əşyalarla ilə birlikdə tamamilə yanaraq kül olub.
Yanğının başvermə səbəbləri həyata keçirilmiş ekspertizanın rəyindən sonra bəlli olaсaq.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
