APA-nın əldə etdiyi məlumata görə, saxlanılan 1990-cı il təvəllüdlü Vəfanur Məmmədov və Nizami Nəcəfov Cinayət Məcəlləsinin 228.2.1-ci (qabaqcadan əlbir olan bir qrup şəxs tərəfindən qanunsuz olaraq odlu silah , onun komplekt hissələrini , döyüş sursatını və sair əldə etmə, başqasına vermə, daşıma) maddəsi ilə ittiham olunurlar.
Vəfanur Məmmədovun əmisi oğlu Avtandil Məmmədov APA-nın şimal bürosuna bildirib ki, V. Məmmədovun qardaşı Quba rayonu, Rustov kənd sakini, 1998-ci il təvəllüdlü Məmmədov Vəfadar Qeybulla oğlu da saxlanılıb.
A.Məmmədov Vəfadar Məmmədovun bu gün saxlanıldığını bildirib: “Vəfadar Qubada məhkəmənin qarşısında hüquq-mühafizə orqanlarının əməkdaşları tərəfindən saxlanılıb. Vəkil bizə dünən saxlanılan hər iki şəxsin Bakıda Milli Təhlükəsizlik Nazirliyinin təcridxanasında saxlandığı barədə məlumat verib”.