Bakı. Aqşin Rafiqoğlu – APA-Economics. Noyabrın 4-də Türkiyə nümayəndə heyətinin Azərbaycana səfəri çərçivəsində İqtisadiyyat və Sənaye Nazirliyinin dəstəyi və Azərbaycanda İxracın və İnvestisiyaların Təşviqi Fondunun (Azpromo) təşkilatçılığı ilə Gəncə şəhərində Azərbaycan-Türkiyə biznes forumu keçiriləcək.
Azpromo-dan «APA-Economics»ə verilən məlumata görə, foruma kənd təsərrüfatı, qida sənayesi, ağır sənaye, tikinti, səhiyyə və İKT sektorlarından 20-yə yaxın türk iş adamının qatılacağı gözlənilir.
Vaxt məhdudluğunu nəzərə alaraq, tədbirdə iştirak etmək istəyən Azərbaycan iş adamları şirkətini təmsil edəcək şəxsin adını, soyadını və vəzifəsini qısa müddət ərzində telefon və ya e-mail vasitəsilə (tel.: 012 598 01 47/48 və ya 437 11 42, daxili: 123, 108, 119; mob.: +99450 738 88 88; e-mail: [email protected]) göndərə bilərlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
