Bakı. Fuad Cəfərov – APA. Bakıda avtoxuliqanlıq edən şəxs sürücülük hüququndan məhrum edilib.
Bakı Şəhər Baş Polis İdarəsindən APA-ya verilən məlumata görə, Bakı şəhər Dövlət Yol Polisi İdarəsinin əməkdaşları tərəfindən Ceyhun İslam oğlu Səlimov idarə etdiyi “VAZ-2106” markalı avtomobillə martın 16-da avtoxuliqanlıq hərəkətləri etdiyinə görə saxlanılıb. Onun barəsində toplanmış material Nizami rayon Məhkəməsinə göndərilib. Məhkəmənin 08 aprel tarixli qərarına əsasən, sürücü İnzibati Xətalar Məcəlləsinin 296-1.1 maddəsi ilə təqsirli bilinərək bir il müddətində nəqliyyat vasitəsini idarə etmək hüququndan məhrum edilib. Eyni zamanda ona 500 manat cərimə inzibati tənbehi tətbiq edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
