Bakı. Kəmalə Quliyeva – APA. “Jurnalistlər arasında müsabiqə keçirmək Elmin İnkişafı Fondunun gələcək planlarında var”. APA-nın xəbərinə görə, bunu Azərbaycan Respublikası Prezidenti yanında Elmin İnkişafı Fondunun icraçı direktoru Elçin Babayev bildirib.
O deyib ki, Fondun qarşıya qoyduğu strateji məqsədlərdən biri də elmin kütləviləşdirilməsi, populyarlaşdırılması sahəsində qrant müsabiqələrinin dəstəklənməsidir: “Bu sahədə fəaliyyət göstərən jurnalistləri gələcəkdə dəstəkləməyə məmuniyyətlə hazırıq”.