Bakı. Mübariz Aslanov - APA. Ukraynada azərbaycanlı Çerniqov vilayəti üzrə Apellyasiya Məhkəməsinin sədri təyin olunub.
APA-nın məlumatına görə, yeni təyinat alan şəxs əslən Azərbaycanın Tovuz rayonunun Aşağı Əyyublu kəndindən olan, 1959-cu il təvəllüdlü Sadiq Rza oğlu Tağıyevdir.
S. Tağıyev APA-ya bildirib ki, bu vəzifəyə qədər Luqansk vilayətində Ali Məhkəmənin sədr müavini olub. 1977-ci ildə Donetsk Tibb İnstitutunu bitirən R. Tağıyev tibb sahəsində çalışıb. 1985-ci ildə SSRİ Daxili İşlər Nazirliyi yanında kriminalistika kursunu bitirdikdən sonra Luqansk vilayətində milis orqanlarında işləyib.
1987-ci ildə Xarkov Universitetində hüquq fakültəsini bitirən R. Tağıyev 1992-ci ildən məhkəmə sistemində müxtəlif vəzifədə çalışıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
