Bakı. Fuad Cəfərov - APA. Astara sakini həmyerlisini güllələyib.
APA-nın Daxili İşlər Nazirliyinin saytına istinadən verdiyi məlumata görə, iyulun 10-da Astara rayonunun Ərçivan kəndində kənd sakini Teymur Baxşıyev münaqişə zəminində ov tüfəngindən atəş açaraq, həmkəndlisi Ruslan Şahverdiyevə ayaq nahiyəsindən xəsarət yetirib.
Astara Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində T.Baxşıyev tutulub. Ondan hadisəni törədərkən istifadə etdiyi tüfəng, habelə 1 ədəd patron götürülüb.