Bakı. Etibar Məmmədov – APA. Müsavat Məclisinin sabiq üzvü, Azərbaycan Demokratiya və Rifah Hərəkatı sədrinin müavini Vurğun Əyyubun Müsavatdan çıxarılması ilə bağlı qərardan Binəqədi rayon təşkilatının Nəzarət-Təftiş Komissiyasına şikayət verilib.
Partiyanın Mərkəzi Nəzarət-Təftiş Komissiyasının sədri Sevinc Hüseynova APA-ya açıqlamasında bildirib ki, hazırda şikayətlə bağlı araşdırma aparılır: “Məni də iclasa dəvət etmişdilər. Hələlik yekun qərar olmasa da, onu deyə bilərəm ki, Vurğun Əyyubun çıxarılması ilə bağlı verilən qərarda yetərsay təmin olunub”.